Estrea con victoria do Club Tenis Lalín A no absoluto por equipos

Traballada victoria do club de tenis Lalín nas pistas do complexo O Pombal de Cambados.  O resultado final: 4/3 e o feito de que catro dos sete partidos precisaran dun supertiebreak falan da dureza do enfrentamento.

Comezaron Chicho, Xavier Roo e Breogán, que disputaba o seu primeiro partido co equipo absoluto.  Breogán, que chegou a dispoñer dunha pelota de partido, acabou perdendo no supertiebreak. A mesma sorte correu Javier Roo, quen despois de remontar gañando o segundo set, perdeu no supertiebreak. O primeiro punto para o noso equipo veu da mao de Chicho, quen tamén gañou no xogo decisivo.

Xogaron despois Daniel e Manuel Conde. Daniel adxudicouse o primeiro set 6/1. O que se supoñía ía ser un cómodo segundo set complicouse debido a ferida que se lle produxo na palma da mau dereita. Así chegou ir perdendo 5/1 para remontar e gañar 7/5. O partido de Manuel Conde non tivo moita historia. O 6/4 6/2 fala por si só.

Así con un 3/2 favorable ao noso equipo chegamos aos dobles. A parella 2  formada por Chicho e Breogán perdeu o seu encontro en 2 sets. O dobre 1 formado por Daniel e Manuel Conde acadou a victoria,que daba o 4° punto para o noso equipo, no supertiebreak.  Como se pode ver emoción ata o final.

Exposición de trofeos do Club Tenis Lalín.

O Club de Tenis Lalín ten o pracer de presentar unha iniciativa que ten coma fin dar a coñecer a actividade que desenrola ós veciños de Lalín e da Comarca do Deza. Trátase dunha exposición de tódolos trofeos conseguidos polos xogadores do clube ó longo dos 34 anos de existencia. Dita exposición se poderá ver durante a semana previa á feira do cocido e  algunhas semanas máis no escaparate do local sito na rúa principal, xusto en fronte do Km0, no antigo local de “Carmiña”. Destacar a colaboración dos seguintes integrantes do Club Tenis Lalín que prestaron os seus preciados trofeos para tal exposición: Plácido Troitiño, Manuel Conde, Tomás Troitiño , Daniel Conde, Benito Troitiño, Julián Gullón, Ramón Garra, Antonio Rodríguez, Miguel Nercellas, José Luis González, Breogán Calviño, Carlos Diéguez, Juanma Martínez,  José Luis Enríquez e Javier Roo. Con esta iniciativa, o Club de Tenis Lalín, tamén pretende dar a coñecer as súas actividades; coma son torneos federados, ligas sociais e moi especialmente a escola de tenis que leva a cabo e que está a ter gran éxito. Tódalas persoas interesadas en participar en dita escola ou en facer unha primeira proba sen compromiso ningún, poden contactar co clube no correo: clubtenislalin@hotmail.com ou nos tlfs: 687369812 / 630684275. Esta entidade deportiva quere aproveitar este medio para agradecer de maneira moi especial ó Concello de Lalín polo apoio brindado durante todos estes anos nas actividades emprendidas e tamén por confiar en nós deixando nas nosas mans a escola municipal de tenis. Tamén agradecer ó Colexio Manuel Rivero pola súa enorme e indispensable colaboración, e como non, tamén dar as grazas ós donos do local onde están expostos os trofeos. Dende o Club de Tenis Lalín confían en que esta exposición sexa do agrado de tódolos veciños e sexa unha parte máis a dar cor ós próximos días da feira do cocido 2014.